Watu laki tatu hawana makao Darfur

 25 Mei, 2013 

Maelfu ya watu wameachwa bika makao Daefur kutokana na vita

Takriban watu laki tatu wamekimbia makaazi yao katika jimbo la Darfur nchini Sudan, kufuatia mapigano makali, katika miezi mitano ya kwanza mwaka huu.

Hii ni kwa mujibu wa afisaa mkuu wa UN kuhusu hali ya kibinadamu Valerie Amos.

Taarifa zinazohusiana

• Sudan

Bi Amosa aliongeza kuwa hii ilikuwa zaidi ya idadi ya watu walioachwa bila makao katika kipindi cha miaka miwili iliyopita, ikijumlishwa kwa pamoja.
"hatuwezi kuacha Darfur kuanguka kutoka kwa upeo wa jamii ya kimataifa,'' alionya Bi Amos, huku akiitaja hali kuwa yenye kutia wasiwasi
Watu milioni 1.4, wanasalia kuwa bila makaazi baada ya vita hivyo vya mwongo mmoja.
Takriban watu 300,000 wanakadiriwa kufariki tangu mwaka 2003, kulingana na Umoja wa Mataifa.
Ingawa mzozo katika eneo hilo , umeshuka kwa kiwango kidogo, bado kumekuwa na maneo ambayo yamekuwa yakishuhudia vita tangu mwezi Januari, huku wanajeshi wa serikali wakikabiliana na waasi pamoja na makundi ya kikabila.
Bi Amos alisema kuwa wakimbizi wanalazimika kuishi katika mazingira mabaya huku wakikumbwa na uhaba wa chakula.
Aidha Bi Amos aliyatoa matamshi yake wakati wa ziara yake ya siku nne katika jimbo hilo kutizama hali ya kibindamu ilivyo na kukutana na rais wa Sudan Omar al-Bashir.
"wakati huu wa msimu wa jua, hawana chochote," alisema Bi Amos,wakati alipozuru kambi ya watu walioachwa bila makao iliyo nje ya mji wa El Fasher Kaskazini mwa Darfur.
"wangali hawana maji."
Maelfu ya watoto wanazaliwa nje ya kambi hizi na hawajahi kujua maisha mengine kuliko ya hapo kambini.
Bi Amos alisema kuwa mashirika ya kutoa misaada yanakabiliwa na wakati mgumu katika kuwasaidia watu milioni 1.4 wanaoishi kambini bila huduma za afya ,elimu na huduma nyinginezo muhimu.
Juhudi za kupeleka msaada huko, zimekuwa zikitatizwa na ukosefu mkubwa wa ufadhili pamoja na waasi kuzuia msaada kufikishwa katika maeneo yanayoiihitaji.

• Facebook
• Twitter
• Google+
• Tuma kwa rafiki yako
• Chapisha

Rais Museveni afanya mabadiliko jeshini

 25 Mei, 2013

Rais Museveni anadaiwa kutaka mwanawe kumrithi kama Rais wa Uganda anatakapoachia ngazi

Rais wa Uganda Yoweri Museveni amefanya mabadiliko katika makamanda wake wakuu wa jeshi , huku kukiwa na taarifa za kutofautiana kwa majenerali wa jeshi kuhusu ikiwa mwanawe Museveni anaweza kumrithi babake kama rais.

Mkuu wa majeshi, Aronda Nyakairima aliyetajwa katika taarifa iliyofichuliwa kuwa mmoja wa wanaopinga mwanawe Museveni Muhoozi Kainerugaba kumrithi babake, amehamishwa hadi wadhifa wa kiraia kuwa waziri wa mambo ya ndani.

Taarifa zinazohusiana

• Uganda

Taarifa za kutofautiana kwa majenerali jeshini ziliibuka mapema mwezi huu wakati magazeti ya Uganda yalipochapisha barua kutoka kwa Generali mkuu David Sejusa Tinyefuza, akidai kuwa Museveni anamtayarisha mwanawe kumrithi atakapoachia ngazi.
Barua hiyo pia inasema kuwa Museveni anapanga kuwaua wale wanaopinga njama yake.
Majenerali kadhaa wakuu walipinga barua ya Tinyefuza wakati kundi la wachache likimuunga mkono.
Mabadiliko katika jeshi yanakuja baada ya magazeti makuu ya upinzani yaliyotoa madai ya mgawanyiko jeshini , yakisalia kufungwa kwa siku ya tano huku polisi wakiendelea kufanya msako katika ofisi zao kuitafuta barua hiyo.
Taarifa ya serikali imesema mabadiliko hayo sio makubwa bali ni madogo katika kuhakikisha serikali inafanya vyema kazi yake.
Hata hivyo msemaji wa jeshi Paddy Ankunda alisema kuwa hayo ni mabadiliko ya kawaida jeshini.
Ankunda alisema kuwa hakuna mgogoro jeshini na kuongeza kuwa Museveni ana haki ya kufanya mabadiliko yoyote kama anavyoridhia.
Mkuu mpya wa majeshi ni Edward Katumba Wamala, ambaye amelimbikiziwa sifa tele kwa kuongoza jeshi la Uganda katika vita dhidi ya wapiganaji wa kiisilamu (Al Shabaab) nchini Somalia.
Ofisi za magazeti ya Daily Monitor na Red Pepper zilifungwa na kuzuiwa kuchapisha magazeti yoyote na yameendelea kufungwa licha ya agizo la mahakama kutaka polisi kuondoka katika ofisi hizo.

• Facebook
• Twitter
• Google+
• Tuma kwa rafiki yako
• Chapisha

China kuchangia wanajeshi Mali

 25 Mei, 2013 

Nchi kadhaa za Afrika zimechangia wanajeshi wao kusaidia Mali

Serikali ya China imekubali kuchangia wanajeshi katika kikosi cha wanajeshi wa Umoja wa Mataifa wanaoshika doria nchini Mali.

Mazungumzo yanaendelea na zaidi ya wanajeshi 500 wa China wa kulinda amani pamoja na wahandisi huenda wakajiunga na mpango wa kulinda amani nchini Mali.

Taarifa zinazohusiana

• afrika magharibi

Serikali ya Mali ilipinduliwa katika mapinduzi ya kijeshi mwaka jana na wapiganaji wa kiisilamu wakaweza kudhibiti Kaskazini mwa Mali hadi wanajeshi wa Ufaransa walipowafurusha mwezi Januari.
Takriban wanajeshi 6,000 wa Afrika wanashika doria nchini Mali .
Msemaji wa Umoja wa Mataifa Andre-Michel aliambia shirika la habari la AP kuwa Kikosi cha kulinda amani cha Umoja wa Mataifa , kilipokea ahadi kutoka kwa nchi kadhaa ikiwemo China kuahidi kuchangia wanajeshi wao.
Kikosi hicho chenye wanajeshi, 12,600, ambacho kinatarajiwa kuanza kushika doria kabla ya uchaguzi kufanyika mwezi Julai, kitashirikisha wanajeshi kutoka, Afrika Magharibi
ambao tayari wako nchini Mali.
Maafisa wa kidiplomasia wa Umoja wa mataifa, wanasema kuwa China imekubali kuchangia kati ya wanajeshi 500 na 600 na kuitaja hatua hiyo ya China kama muhimu sana.
Hata hivyo ,msemaji wa wizara ya mambo ya kigeni ya China, Hong Lei hangeweza kuthibnitisha taarifa hii.
Ingawa aliwaambia waandishi wa habari, kuwa wanatarajia kuwa jamii ya kimataifa itaendelea kusaidia Mali kuweza kupata uthabiti na kushirikiana na kuwa China pia itahakikisha kufanya wajibu wake kuhusiana na hilo.
China ina zaidi ya walinda amani 1,800 wanaoshika doria katika mpango wa UN na huchangia idadi kubwa ya wanajeshi kuliko wanachama wengine wa baraza la usalama la umoja wa mataifa.
Hata hivyo wanajeshi wake kawaida huwa hawafanyi majukumu ya kijeshi kama mfano kupigana.

• Facebook
• Twitter
• Google+
• Tuma kwa rafiki yako
• Chapisha

Sherehe za AU kutimiza miaka 50 zaanza

 25 Mei, 2013

Viongozi wa Afrika wanasherehekea miaka 50 ya Umoja wa Afrika mjini Addis Ababa, Ethiopia.

Taarifa zinazohusiana

• Muungano wa Afrika - AU

Mwaka wa 1963 viongozi wa Afrika wa wakati huo walikutana katika mji mkuu wa Ethiopia kuunda Umoja wa Nchi Huru za Afrika, OAU, ambamo wakiweza kujadili ulinzi, ukombozi na sera za mashauri ya nchi za nje na uchumi.
Nusu karne baadae, mengi bado hayakutimizwa.
Lakini kuna matumaini, hasa kwa sababu ya uchumi kukua sana katika bara hilo na hisia kuwa baadhi ya nchi kama Rwanda, Sierra Leone na hata Somalia zinaanza kuibuka kutoka ghasia na fujo.
Sherehe zilianza kwa wimbo wa AU.
Waziri Mkuu wa Ethiopia, Hailemariam Desalegn, alikaribisha viongozi:
"Katika siku hii kubwa napenda kutoa hongera ya dhati kwa Wafrika wote katika bara letu.
Kutoka Cape hadi Cairo na kutoka Djibouti hadi Dakar pamoja na watu wote wenye asili ya Afrika wanaoishi ng'ambo.
Siku hii ya kihistoria inaashiria juhudi kubwa za bara zima la Afrika kuania uhuru, ukombozi na umoja, lakini piya ni mwanzo wa kutafuta uhuru wa kiuchumi na kijamii."

• Facebook
• Twitter
• Google+
• Tuma kwa rafiki yako
• Chapisha

Zitto: Suala la Mtwara ni zaidi ya Gesi asilia - Kutumia nguvu ya dola sio njia pekee ya Amani

Huu ndio mtazamo wa ndugu Zitto kwa ufupi juu ya suala la Mtwara.

Zitto Kabwe:

Serikali iangalie upya namna inavyolitazama suala la Mtwara. Hivi sasa suala hili linaonekana kiusalama zaidi badala ya kuliona kama suala la kijamii na maendeleo lenye kuhitaji kujenga imani ya wananchi.

Suala hili linahitaji muda na heshima kwa wananchi. Ni vema tuache sauti ya wananchi kusikika na kuzitolea maamuzi sahihi yenye kujenga kuaminiana na kuheshimiana kati ya dola na wananchi.

Suala la Mtwara ni zaidi ya gesi asilia. Ni matokeo ya kutengwa kimaendeleo kwa muda mrefu. Suala la Gesi ni nafasi ya kuunganisha watu wa kusini na Jamhuri ya Muungano. Tuamue sasa kufanya maamuzi sahihi na kuunganisha Jamhuri yetu au kukosea na kudharau na kuivunja Jamhuri yetu.

Kama Kuna mataifa ya kigeni/makampuni binafsi yanahusika na hali ya Mtwara. Serikali iyataje mataifa hayo na makampuni hayo hadharani na vibaraka wao.Vinginevyo nadharia hizi zitaonekana ni ni propaganda tu kwa lengo la kufunika kombe mwanaharamu apite.

Nadharia zote za kuelezea masuala ya Mtwara zinakimbia suala la msingi ie kutengwa kwa muda mrefu sana kwa mikoa ya kusini kwenye maendeleo ya nchi. Ahadi za Rais Ben Mkapa kuhusu Mtwara Corridor, ahadi za Rais Jakaya Kikwete za 2005 na biashara ya korosho ni miongoni mwa malalamiko ya muda mrefu ya wananchi wa Mtwara. Suala hili la msingi lazima lipatiwe majawabu mwafaka kwa maelezo yenye heshima kwa wananchi badala ya dharau na vijembe dhidi ya raia.

Kuna kukosa imani kukubwa kwa wananchi dhidi ya Serikali. Suala hili ni pana zaidi na linasambaa Tanzania nzima. Malalamiko yanaposhawishiwa kihofu tu huleta matatizo makubwa sana. Hali ya namna hii haijawahi kutokea nchini mwetu. Kukamata na kufunga viongozi wa wananchi haitosaidia kamwe.

Kutumia nguvu ya dola kuzima vuguvugu la wananchi sio njia pekee ya kujenga amani. Makovu ya kutumia nguvu ya dola huchukua muda mrefu sana kupona. Lazima kubadili mkakati wa kuongoza na kuliweka Taifa sawa.

Zitto Zuberi Kabwe (Mb)
24^th May 2013

Nimeambatanisha nakala ya hotuba yake ya "Mtwara wanauliza Mtatuachaje?" iliyotolewa Tabora. Hotuba hiyo imezungumzia kwa kina suala la Gesi Mtwara na hivyo kutoa elimu zaidi juu ya suala hilo la Gesi.

HOTUBA TABORA|Mei 24, 2013

• Nchi yetu ni tajiri lakini wananchi wake ndiyo masikini kutokana na sera mbovu za CCM.
• Geita ndiyo ina mgodi mkubwa kuliko yote barani Afrika, (baada ya Ghana na Afrika Kusini) lakini ndiyo mji masikini Tanzania.
• Wallahi naomba 2015 ifike hara tuwaweke CCM pembeni manake vinginevyo nchi hii itakuwa imeuzwa yote!K
• Kenyatta anaongelea kila mwanafunzi kuwa na Laptop, siye tunaongelea nani Achinje!
• CCM walisema CUF cha Waislam, Chadema cha Wakristo. Sasa CCM ni cha nani? Cha wapagani? Tusikubali kugawanywa!

Hatuwezi kukubali hali hii.. Na ni lazima watu wa Tabora muwe na Hasira. Lakini hali ya umasikini limekua zaidi ndani ya nchi yetu.

Nchi ni tajiri sana wananchi wa Tabora. Asije mtu akawadaganya kwamba Tanzania ni nchi maskini! Tanzania ni nchi tajiri yenye watu masikini na Siyo nchi maskini. Nchi yetu ni tajiri lakini wanachi wake ndiyo masikini kwa sababu ya sera mbovu za Chama cha Mapinduzi

Mungu ametupa kila kinachotakiwa kuwa kwenye Utajiri! Kila kitu! Sijui wajerumani waliongozwa na nini… Kwa Sababu wajerumani walipokuja na kuipata hii Tanzania, walipata kila kitu.

Kila kona ya nchi hii ina utajiri wake. .. Kwenda Kanda ya Ziwa ni dhahabu na almasi zimejaa.. Yamegunduliwa madini ya Nickel ambayo yanatumika kutengeneza ndege kule Ngara Kagera; ndio sisi (Tanzania) tuna madini ya namna hiyo mengi zaidi kuliko nchi zote duniami!

Ukienda huko mpanda kuna shaba, kuna makaa ya mawe. Ukienda Songea kuna Uranium kuna makaa ya mawe. Kuna Chuma Cha Liganga kule Rudewa mkoa wa Songea mpya

Sasa Gesi ndio usiseme! Tumegundua gesi nyingi sana. Mtwara, Lindi na Pwani. Mafuta yamejaa Ziwa Tanganyika. Hakuna jambo ambalo Mungu hajatupa katika nchi hii. Lakini leo katika kila watanzania 100 wa Tanzania 35 wanaishi katika hali ambayo hawawezi kupata mlo mmoja kwa siku. Asilimia 35 ya Watanzania!

Jana kulikuwa na seminar kule bungeni. Kuhusu sera ya gesi asilia. Wametugaia sera siku ya Ijumaa, Jumamosi Seminar. Na kwa style za CCM ile seminar ni wabunge wamepitisha. Yaani wataenda huko kwenye majukwaa na watasema “Sera hii imeshirikisha wadau na wabunge wamepitisha”. KWA SEMINA TU. Wabunge wanaishia kwenye seminar wanapigwa laki mbili mbili za posho, kisha wanasifia sifia pale wanapitisha hiyo sera na ndiyo Imetoka hiyo!

Watu wa Mtwara wanalia kila siku. Watu wa Mtwara wameandamana mpaka wakachukua hatua ambazo si za kisheria za kuchoma nyumba za watu sababu ya gesi. Serikali, Rais, Waziri, mkuu wa Mkoa wanasema watu wa Mtwara wajinga hawa… Wenyewe walivyokuwa wanafaidi matunda ya Watanzania wengine mbona Watanzania wengine hawakulilia Kahawa? Pamba?

Lakini waziri alisahau. Kwamba Mtwara ilikuwa inazalisha korosho… Asilimia 80 ya korosho ilikuwa ikitoka Mtwara. Na ndio zao la pili kwa fedha za kigen baada ya Tumbaku ya Tabora.

Watu wa Mtwara walikluwa wakiuliza tu “Mtatuachaje??” “Gesi imepatikana lakini mnatuachaje??” Hilo tu! Serkali ikataharuki! “Kuwa watu wabinafsi hawa” Serkali ya CCM imechoka kabisa. Imechoka!

Sababu watu wa Mtwara wameona… Watu wa Mwanza walivyo nyonywa kwenye dhahabu. Wameona watu wa Shinyanga walivyonyoshwa kwenye dhahabu. Wameona watu wa Tabora mlivyonyonywa kwenye dhahabu.

Tabora, Nzega kuna mgodi unaitwa resolute, Golden Pride. Ule Mgodi umekaa toka 1997, Mkataba wake ulisainiwa hapo Tabora Hotel sassa hivi panaitwa Orion. Ule mgodi dhahabu imekwisha. Wameuza nje dhahabu ya thamani ya dola Billion 3 kwa muda waliokaa hapo toka mwaka 1997 mpaka 2012… Hizo ni trillion 5 na zaidi. Lakini leo hali ya Nzega ni ile ile kana kwamba hakukuwa na dhahabu Nzega…

Watu wa Mtwara wameona hilo!

Shinyanga kuna Migodi miwili katika wilaya moja ya Kahama. Mgodi wa Bulyanhulu na mgodi wa Buzwagi. wAtu wa Shinyanga hawajafaidika na na migodi hiyo. Mgodi wa Buzwagi dhahabu inaisha ndani ya miaka miwili. Ya Bulyanhulu wenyewe utaenda hadi 2032, lakini watu wa Shinyanga hawajaona faida ya dhahabu.

Watu wa Mtwara wameona hilo!

Geita, (sasa hivi ni mkoa wa Geita kwa hiyo siyo Mwanza tena) ni mmoja wa wilaya masikini zaidi katika Tanzania, lakini ndiyo ina mgodi mkubwa wa dhahabu katika bara la Afrika lakini ndio wilaya masikini zaidi Tanzania. Wanazalisha wakia za dhahabu, kule Kigoma tunaita tola, Kwa kiingereza wanaita ounces (million 1 kwa mwaka). Lakini Geita ni moja ya willaya masikini Tanzania.

Mtwara waliona hilo!

Kwa hiyo gesi ilivyogundulika kule… Serkali jambo la kwanza ilisema tunajenga bomba toka Mtwara mpaka Dar es Salaam kwa ajili ya kuzalisha umeme. Hamna ubaya kuzalisha umeme… Tunatumia gharama kubwa sana kuzalisha umeme hapa nchin. Tunaagiza mafuta mengi sana kutoka nje kwa ajili ya kuzalisha umeme.

Bei ya umeme wa Maji ni cent 2 za dola kwa kila unit moja. Bei ya umeme wa gas ni senti 6 za dola kwa kila uni moja. Bei ya umeme kwa diesel ni senti 42 za dola kwa kila unit 1. Kwa hiyo haina shida , kuzalisha umeme kwa gas ni nafuu zaidi kuliko kuzalisha kwa mafuta,

Lakini watu wa Mtwara wakasema “huu umeme hauwezi kuzalishwa Mtwara hadi ukapelekwa Dar? “ Swali Lao ni hilo tu! “Je gharama za kujenga bomba toka Mtwara hadi Dar es Salam?, na gharama za kujenga Mitambo ya umeme Mtwara mkasafirisha umeme hadi Dar es Salam zipoje? Sie tungependa uzalishwe hapa” Serikali ikachanganikiwa “Wasaliti nyie, sio wazalendo n.k” wakawatukana wana Mtwara, kwa kuuliza,, Kwa kuwahoji.

Lakini Mtwara wakasema sisi hatutaki yatukute kama yaliyowakuta wa Nzega, Hatutaki yaliyowakuta wa Geita, hatutaki yaliyowakuta wa Kahama. Kahama pale Bulyanhulu watu walifukiwa kwenye mashimo.. Geita leo bado mpaka kuna watu wanaishi mahakama ya mwanzo kama wakimbizi ndani ya nchi yao, kwa sababu eneo lao ambalo wawaliokuta dhahabu wakaondolewa wakaambiwa nyie hamna mahali pa kukaa.. Mtwara wanasema “Mnatuachaje?”

Sasa wameleta sera ya gesi juzi bungeni… Mie nikai chek, na kusema hawa watu hawapo serious! Sera ile inasema ya kwamba gas inapovunwa – sera haihusiki. Sera inahusika na uchuuzi . Yaani ni hivi… Serkali ije iseme haihusiki na namna ambavyo mkulima anavyolima tumbaku ila inahusika na namna ile Mkulima yule anavyoisafirisha ile tumbaku toka Urambo mpaka Tabora. Yaani kwenye uchuuzi, siyo uzalishaji.

Nikawaambia, haiwezekani… Kama mna nia ya kuwa na sera madhubuti, lazima muanzie kwenye utafutaji.. Uje kwenye uchimbaji… Uje kwenye usafirishaji. Sera ile inakataa haya.

Lakini hii ni kwa sababu tayari wameshaingia kwenye mikataba mibovu na chama Cha Mapinduzi. Kwa hiyo wanaogopa makampuni ya wazungu kuwainglia kwenye hiyo mikataba. Lakini baya zaidi watu wa Tabora niwaambie wakati tunatengeneza Sera.. na baadae tutengeneze sheria…

Tayari Chama Cha Mapinduzi kimesha anza kuuza vitalu vipya vya mafuta na Gesi Tanzania. Sasa unauza Vitalu wakati Sera hakuna? Unauza Vitalu wakati sheria hakuna? Watu wa namna gani sisi? Hawa watu wamelogwa na nani? Wallahi naomba 2015 ifike hara tuwaweke pembeni manake vinginevyo nchi hii itakuwa imeuzwa yote!

Kila kona ya nchi hii ina utajiri… Tatizo letu ni namna utajiri huu unavyo endeshwa … Ndiyo tatizo letu Tanzania. Na ndiyo maana tunataka Watanzania wote muungane pamoja! Ili tuweza hakikisha ya kwamba, tunakwenda mbele.

Ssa hivi nchi yetu ipo kwenye hatari. Hatari kubwa tuliyio nayo ni kuwa tayari tumeingizwa kwenye sumu ya udini. Leo hii Watanzania wanaanza kuangaliana kwa dini zao. Wanaanza kuangalia ,,, Enhee wameteuliwa wakuu wa Wilaya, waislamu wangapi na Wakristo wangapi? Wameteuliwa mawaziri.. Enhee Wakristo wangapi na Waislamu wangapi? Imeteuliwa Tume ya Katiba Enhee Waislamu wangapi na Wakristo wangapi? Hazijawahi kuwa hivyo hata siku moja! Tunagawanywa hivyo sababu mataifa makubwa wanataka tupigane waje wanyonye gas, wanyonye mafuta,wabebe dhahabu wajiondokee zao! Ndio wamefanya hivyo Nigeria, Ndio wamefanya hivyo Sera Leione, Ndio wamefanya hivyo jirani zetu wwa Congo.

Tukikaa vibaya … Na midomo mibaya ya sisi wana Siasa Mtagawanyika nyie! Leo hii rais wa Kenya… Uhuru Kenyatta anazungumzia kila mtoto wa Kenya kupewa Computer anapo anza darasa la Kwanza. Tanzania tunazungumzia nani achinje! Ndipo tulipofika… Na Watanzania nyie mnapenda mambo madogo madogo haya… Mambo madogo madogo ndiyo mnayo yapenda; Nani achinje? Miaka yoote hii mbona tulikuwa hatuulizani nani achinje? Kwa nini tuulizane leo?

Nchi yetu itakuwa ya tatu kwa uzalishaji wa Uranium ifikapi mwaka 2015. Ambayo inatumika kutengeneza mabomu ya Nuclear. Nchi yetu itakuwa miongoni mwa nchi yenye gas nyingi zaidi duniani. Nchi yetu ni ya tatu kwa uzalishaji wa Dhahabu Afrika. Kwa hiyo wageni wanafahamu, nani achinje? Mnapigana huko nani achinje, wanabeba Gas, wanabeba dhahabu, wanabeba Tanzanite, wanabeba kila aina ya kitu wanachotaka kubeba.

Msiwe wajinga… Msikubali kugombanishwa na sisi Wanasiasa. Msikubali masuala ya udini yanapenywezwa makusudi, ili tugombane tusiwa na mshikamano,.

Wakati wa Kampeni Kigoma mwaka 2010, nilienda kwenye Kijijini, Nikakuta mgombea wa CCM amewaambia watu msimchague huyu Muislam, nichagueni mimi Muanglikana mwenzenu. Nikawaambia wale watu wa Batiazo, hivi wakati mimi nachaguliwa hapakuwa na bara bara Kigoma, toka Malinzi mpaka mjini. Leo kuna bara bara hii………… Ile bara bara wanapanda Waislamu peke yao? ( Wakajibu hapana) Wanapanda wakristo peke yao? (Wakajibu hapana) Kwa nini mchague tokana na dini ya mtu?

Lakini leo hii nyinyi kila mtu ajiulize toka moyoni mwake hapa… Kuna mbegu mbaya chafu ya udini inapandwa.. Tusikubali… Tusikubali! CCM walikuwa wanatumia mbegu hii ya Udini kwa ajili ya kutugawa wapiga kura; 2005 walisema CUF chama cha Udini na Waislam, mwaka 2010 wakasema Chadema chama cha Udini na Waislamu (Samahani) Chamba cha Wakristo.

CUF cha Waislam, Chadema cha Wakristo. Sasa CCM ni cha nani? Cha wapagani? Hayo ndiyo mambo ambayo Watanzania inabidi tujiulize! Tusikubali kugawanywa!

Mtu anasali msikiti gani ama kanisa gani haituhusu! Tunachotaka ni kila mtu apate haki yake bila kujali Dini yake! Kama wewe ni kijana wa Tanzania Mkrito unaomba kazi, upate kazi tokana na vyeti vyako! Siyo kutokana na dini yako! Kama wewe ni kijana Mtanzania Muislamu, umeomba kazi upewe kazi tokana na vyeti vyako, siyo kutokana na dini yako.

Tusikubali ifike huko! Na niliwaambia Bungeni, kwamba Hamna sababu ya kutafutana lawama. Leo hii tukisimama CCM wanasema Chadema ni wadini, Chadema nao tunanasema CCM in wadini! Mnamsaidia nani? Viongozi lazima tukae chini wote tuseme hapana! Muelekeo huu wan chi si mzuri! Tukaeni chini.. Ndio busara hizo. Busara si kurushiana lawama. Mkirushiana lawama mnazidi kugawanyika tu! Chadema ikisimama ikasema Udini umesababishwa na CCM, CCM nao wakisimama Udini umesababishwa na Chadema , tutafika wapi? Kutakuwa na suluhisho? Tutapata jawabu?

Majawabu ni kuwa sisi viongozi wa Siasa, Wa Chadema, wa CUF, Wa CCM laziam tukae chini kujasema huko tunakokwenda, mitaani kwenu… Hali uliyokuwa unaishi na jirani wako hapo nyuma (kwa amani) ndiyo hali inabidi irudi na iwe hivyo! Inapaswa tutumie Busara kuiokoa Tanzania yetu! Ni wajibu wetu sote...

(Mwisho)

HUYU NDO MREMBO ATAKAYEWAKILISHA SHINDANO LA BIG BROTHER MWAKA HUU

Kwa mujibu wa ripoti kutoka kwenye   mitandao  mbalimbali nchini Tanzania, mrembo huyu, mwanamuziki Feza Kessy, ndiye atakayeiwakilisha Tanzania katika Big Brother Africa 2013 (BBA “The Chase.” Well, hizi ni baadhi ya picha zake.

RIPOTI MAALUMU KUHUSU KUACHIWA HURU KWA "RAMA MLA WATU'

Mama na mtoto wake Waachiwa

Ramadhani Suleiman 'Rama mla kichwa' (kulia) na mama yake mzazi, Khadija (katikati) walipofikishwa mahakamani kwa mara ya kwanza. ------------

Mahakama Kuu Kanda ya Dar es Salaam, imemuachiwa huru Ramadhani Suleiman (Rama mla kichwa) aliyekuwa anakabiliwa na kesi ya mauaji, baada ya kubaini hana akili timamu.

Jaji Rose Temba alitoa hukumu hiyo jana kutokana na ripoti ya Dk Mdeme Erasto iliyowasilishwa mahakamani hapo kuonesha kuwa, wakati mshitakiwa huyo anatenda kosa hilo hakuwa na akili timamu.
Ramadhani, ambaye alishitakiwa pamoja na mama yake Khadija Suleiman, alidaiwa kukutwa na kichwa cha mtoto Salome Yohana (3) katika eneo la Hospitali ya Taifa Muhimbili kikiwa katika mfuko wa plastiki maarufu kama rambo.
Jaji Temba alisema mshitakiwa alitenda kosa la mauaji, lakini kwa kuzingatia ripoti ya uchunguzi wa akili, mahakama haiwezi kumtia hatiani hivyo aliamuru mshitakiwa huyo awe chini ya uangalizi wa madaktari wa Hospitali za magonjwa ya akili na watatakiwa kuripoti maendeleo ya afya yake kwa Waziri wa Katiba na Sheria.
Aidha mahakama ilimwachia huru mama mzazi wa mshitakiwa huyo, Khadija, kwa kuwa Mkurugenzi wa Mashitaka (DPP) hakuwa na haja ya kuendelea kumshitaki.
Awali Wakili wa utetezi, Yusuph Shehe alidai kuwa mahakama ilitoa amri ya mshitakiwa kwenda hospitali kuchunguzwa kama ana akili na ripoti ya daktari iliwasilishwa mahakamani hapo na kubainisha kuwa hakuwa na akili timamu, hivyo aliomba mahakama imfutie mashitaka.
Akiwasomea maelezo ya awali washitakiwa hao, Wakili wa Serikali Cecilia Mkonongo alidai kuwa Aprili 25 mwaka 2008 saa 2:25 usiku, Salome (marehemu) alikuwa anacheza na Ramadhan pamoja na mtoto Paschal Lucas lakini baadaye alipotea katika mazingira ya kutatanisha.
Alidai saa 2:30 usiku baba wa Salome, Yohana Mussa alikwenda kwa dada yake aitwaye Furaha ambapo Salome alikuwa akiishi, alipohoji mtoto wake yupo wapi ndipo wakaanza kumtafuta bila mafanikio, wakaamua kutoa taarifa kwa balozi.
Aliendelea kudai kuwa, asubuhi ya Aprili 26 mwaka 2008, wakiwa  njiani kwenda kituo cha polisi walipewa taarifa kuwa kuna kiwiliwili cha mtoto kimeonekana katika choo cha nyumba ya washitakiwa, walipokwenda walikuta mwili wa Salome ukiwa chini bila kichwa.
Mkonongo alidai wakiwa katika eneo la tukio, polisi walipata taarifa kuwa kuna mtu amekamatwa na kichwa katika Hospitali ya Taifa ya Muhimbili, walikwenda wakiwa na askari na ndugu wengine na kukitambua kichwa hicho.
Ilidaiwa kuwa, Ramadhani alikamatwa na mlinzi wa Hospitali hiyo akiwa na kichwa hicho na kudai anakipeleka kwa shangazi yake anayefanya kazi ya usafi katika hospitali hiyo.
Aprili 29 mwili wa marehemu ulifanyiwa uchunguzi na ripoti ya daktari ilionesha,  chanzo cha kifo chake hakikujulikana lakini, ilidai Salome alikatwa na kitu chenye ncha kali na alikuwa na michubuko mwilini.
Rama alipohojiwa na askari, alikiri kukutwa na kichwa hicho na kudai mama yake ndiye aliyemuua Salome kwa kutumia shoka na alikuwa anapeleka kichwa kwa shangazi yake.
Mama wa mshitakiwa huyo (Khadija)  alipohojiwa alikiri mwili wa marehemu kukutwa kwenye choo chake na ukiwa umefungwa na shati la Ramadhani.
Baada ya uamuzi huo kutolewa, ndugu wa marehemu waliangua kilio, na walipotoka Upendo Dunstan (mama wa marehemu) na shangazi yake Furaha Mussa walikuwa wakiangua kilio huku baba wa mtoto akilia huku ameshika kiuno nje ya mahakama hiyo. 
Washitakiwa walirudishwa rumande kwa ajili ya kukamilisha taratibu, baada ya kusota rumande kwa zaidi ya miaka mitano.

JWTZ YAKANUSHA TAARIFA ZA ASKARI WAKE KUJIHUSISHA NA "BIASHARA YA KUKUNUA MALAYA " HUKO CONGO

Jeshi la Ulinzi la Wananchi wa Tanzania, JWTZ, limekanusha taarifa zilizotapakaa kwenye mitandao kuwa askari wa jeshi hilo waliokwenda huko kwa ajili ya kulinda amani,wameanza kujihusisha na makahaba.

Kwa mujibu wa taarifa ya Kurugenzi ya Habari na Uhusiano, Mtandao wa www.congodrcnews.com umedai wanajeshi wa Tanzania wameanza kujihusisha na ubakaji wanawake katika Mji wa Sake ulioko Goma.

Taarifa hizo zimeeleza kuwa askari mmoja wa JWTZ alihitaji kujamiiana na mwanamke mmoja(Kahaba) kwa ujira wa Dola 50. Baada ya kumaliza shida zake ambazo ilielezwa alizifanya bila kinga yoyote,askari huyo alikataa kumlipa ujira wake,hali iliyoleta tafrani na mwanamke huyo kupiga kelele.

“JWTZ linapenda kuwaeleza wananchi kuwa taarifa hizo ni za uongo mtupu wenye nia ya kulipaka matope JWTZ na Tanzania kwa ujumla. “Picha iliyotolewa kwenye tovuti hiyo ya www.congodrcnews.com ni ya wanajeshi wa Tanzania walipokuwa katika Operesheni ya huko Comoro mwaka 2008.

Mtu anayeonekana kuwa chini ya Ulinzi alikuwa ni mshiriki wa Kanali Mohamed Bacar ambaye aliondolewa madarakani.

“Vilevile picha hiyo ilitolewa vile vile katika tovuti za www.apc.net.au/news/stories ya Machi 26, 2008 na ww.Seattletimes.com. na pia picha hiyo ipo pia kwenye tovuti ya Jamii Forum baada ya kufanya ‘link’ kutoka kwenye Mtando wa www.google.com.”

Taarifa hiyo ilisema kuwa JWTZ inapenda kueleza wananchi na dunia kwa ujumla kwamba wanaoneza taarifa hizo wana lengo la kukatisha tamaa juhudi zinazofanywa na nchi za Maziwa Makuu na SADC kuleta amani nchini DRC kwani JWTZ wako DRC kwa mujibu wa taratibu za kiutendaji za Umoja wa Mataifa.